Hopi hende ta core namora di cacho, pero ora cu e trabou duro yega, ta tuma e decision di laga e animal bandona pa su cuenta, manera ta e caso denuncia pa un ciudadano.
E ciudadano preocupa aki tabatin tur sorto di palabra menos bunita cu locual algun persona a haci cu un cacho cu a wordo laga bandona. Tristo ta cu e personanan ta actua intencionalmente pasobra ta bandona e animal leu di cas, pa e no corda con pa bolbe. Hopi biaha den mondi, unda cu nan no tin acceso na cuminda.
E dianan cu a pasa aki e abusador(nan) aki a laga un cacho preto aki, tefi (maske cu banchi, pues e tabatin doño) riba e cero unda tanki di WEB ta na subida banda di Drive in. E cacho ta desnutri y no tin awa pa bebe. Awe un persona cu a mir’e eynan a hiba un poco brokjes p’e cu awa. Por a mira caba cu e animal, di tanto falta di awa y cuminda, ta desorienta y tin miedo, manera cu mester a maltrate y lague eynan. Un instancia cu por yega y tuma e cacho aki bao nan guia lo ta hopi bon, e persona cu a haci e mal echo aki no lubida cu “KARMA” ta yega cerca bo tambe.
Pa esnan cu no kier un animal mas, tin instancianan unda pa acudi. Y den e situacion dificil, no busca un cacho of otro mascota di cas si bo no ta 100% sigur di por percura p’e.
