Jay’s Tire ta bounce bek y ta derota Spuiters MIPA na un manera fulminante

Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veldnan na Pos Chiquito.

ADV

Den categoria AA e fuerte equipo di Jay’s Tire a bounce bek di un derota y a baha fuerte riba Spuiters MIPA. Jay’s Tire ta Sali score 8 careda den cabez di promer inning contra e pitcher habridor Edmar Boekhoudt di Spuiters kende a ricibi relevo den promer inning pa Gerald Werleman kende tambe tabata tin problema pa paga e candela.

Jay’s Tire ta amplia cu 7 careda mas den cabez di dos inning y aki tur cos tabata skirbi. Spuiters ta purba rally y ta anota 1 careda den bom di 3 y 1 careda den bom di 4 pero ta keda hopi cortico. Boxscore final Jay’s Tire 18 careda, 8 hit, 0 error y ta laga 6 coredor na base. Spuiters MIPA 2 careda, 4 hit, 3 error y ta laga 6 coredor den circulacion. Mihor bateadornan pa Jay’s Tire ta Jayson Orman 3-2 cu 3 careda anota y 2 rbi, Filbert Thiel 1-1 cu 2 rbi, Jeromin Kelly 2-2 cu 3 careda anota y 3 careda impuha, Jerwin Peña 2-1 cu 3 careda anota, Jowald de Cuba 1-1 cu 2 rbi y Sandrick Geerman di 1-1.

Pa Spuiters a destaca na bate Gerald Werleman di 3-1, Gerald Tromp, Johnrick Flanegin y Bernardo Vos tur di 1-1. Jorge Santana Cortina ta bay 2 inning y 2 tercio enfrentando 15 bateador tirando 27 bola, 36 strike pa un total di 63 lansamento permitiendo 2 careda tras di 3 hit propinando 3 ponche regalando 4 base por bola pa pone e victoria riba su nomber. E hoben Gerald Maduro ta drenta di relevo y ta bay 1 inning y 1 tercio enfrentando 5 bateador , no ta permiti careda y ta regala 1 base por bola poniendo un wega salba riba su nomber.

Edmar “Echi” Boekhoudt ta resulta pitcher perdedor ricibiendo relevo di Gerald Werleman, Carlos Wester y Alexander van de Berg. Weganan ta continua Diahuebs na veld di Dragon Hitters mientras diabierna lo tin wega tanto na Pos Chiquito y Dragon Hitters. Campeonato competitive di fast pitch ta continua.

Comments

comments