Dia 18 di mei 2019 UNDEBA ta selebra 45 aña di historia di futbol den e regio di Banda Abou.
Historia a wordu skirbi dor di hopi personanan ku nos ta masha orguyuso i agradesido na nan pero tambe dor di algun ku no tey mas ku semper a yuda i duna di nan banda.
Pero tambe dor di hopi ku a I te ainda ta hinka nan schouder pa adelanto di e klup entre otro hungadornan, miembro nan di direktiva, boluntario nan, lider nan, entrenador nan etc etc.
Nos no por laga e okashon aki pasa asina asina, pero en bista ku komo klup, nos tin obligashonnan, pa ku e torneo MCB (Calle 6) nos tin ku pospone e selebrashon te un proximo aviso.
Pa medio di esaki nos lo ke expresa palabra di gratitut I un pabien na tur pero tur persona ku di un forma of otro a I te ainda ta forma parti di UNDEBA I ku nos a jega na e 45 aña di existensia di nos klup. Pabien!!!
