121 studiante ta pasando examen e aña aki na La Salle College

Un total di 121 studiante cu ta pasando nan examen a e aña aki y te awor aki tin 90%, cu ta para voldoende. Es decir cu tin hopi chens di slaag. Pero hopi biaha despues di examen ta baha un tiki, vooral door di e examennan cu ta bin di Hulanda, ta haci cu e cifranan ta baha un tiki for di nan SOnan averahe.
Dolores Thiel, coordinadora di examen y schoolonderzoeknan na La Salle College, a splica cu tin algun mucha cu por bisa cu no ta presta mucho, no ta haci hopi pa nan examen. A cuminsa prepara e muchanan for di Augustus. Den 4de klas tin e examenklas. E prome parti di examen ya caba ta na fin di October. Ta cuminsa direct den Augustus, cuminsa prepara nan pa nan prome examen, cual ta e SOnan. Eseynan ta e prome parti. E prome ta na fin di October. Di dos ta na Januari, di tres ta na Maart. For di cuminsamento di e aña escolar te final, ta preparando nan.
Hopi mucha, e prome parti nan ta prepara bon. E di dos, ya nan ta wak cu nan ta bon para, nan ta haci menos y di tres un tiki menos. E ora nan ta cuminsa studia bek pa e eindexamen mes.
Pero segun Juffrouw Thiel, mayoria di e aña aki ta hopi bon para. Tin algun mucha cu ta hopi halto para.

Diferencia entre studiantenan
Si tin diferencia entre studiantenan, vooral esnan cu tin exactpakket, ta hopi resaltante, cu ta hopi mas fuerte. Aunke cu nan pakket ta hopi mas pisa, por ta door di esey mes nan ta pone mas empeño. Aña pasa tabata tin 130 mucha, cual 81% a slaag, cu no ta malo. Pero kier purba semper tin riba 85% y no ta tur ora ta logra esey, pero ta traha p’e.

121 studiante ta pasando examen e aña aki na La Salle College

121 studiante ta pasando examen e aña aki na La Salle College

Posted by 24ora on Tuesday, May 7, 2019

Interes di e alumnonan
E ultimo tres añanan e pakket cu nan ta bay pe mas tanto ta exactpakket. E aña aki tin tres klas di natuur wetenschappen, dos di mens & manschappij y un di humaniora. Humaniora ta e pakket mas suave. Pero toch hopi mucha no ta kies p’e. Pasobra NW tin hopi mas posibilidad pa bo estudio despues, compara cu e otro dos pakketnan.

Deseo y conseho
En general, juffrouw Thiel ta spera cu tur studiante cu a cuminsa pasa nan examen diamars, cu tur por logr nan meta di haal nan diploma. Esey ta e prome yabi pa bo futuro estudio, pa bo futuro tambe. Ta spera cu mayoria lo slaag y esunnan cu no slaag, ainda nan tin un her cu nan por bolbe slaag of cu nan por logra y pa nan por sigui nan estudio despues.

Prome examen
Nos a combersa cu un di e studiantenan den examen klas, kende a comenta cu e examen diamars a bay bon. Aunke cu e tabata nervioso prome. Ora cu el a wak e examen, el a pensa cu e ta un SE y pa e bay mesun bon. Examen ta manera mita di su punto y ta bay conta hopi na fin.

Preparacion
E studiante mes no a haci nada den vakantie. Ora cu el a wak e dianan cu examen ta bay bin, el a realisa cu e no a prepara nada ainda. Pa loke ta Biologie, esaki ta hopi. For di tempran caba mester cuminsa cun’e compara cu e otro vaknan. Pero pa loke ta Nederlands, ta hopi lesamento y theorie. E studiante tin exact pakket. Tur cos ta depende ki richting bay y si ta bon den e vaknan for di den 3de, e ora e ta conseha pa bay cu e pakket aki, pasobra e no ta mesun moeilijk manera e ta zona.

Resto di examennan
E studiante ta conseha pa su coleganan keda rustig. Ora cu a drenta den klas diamars, nan tur tabata nervioso. Tur hende ta asina nervioso e momento ey nan cu nan no por a para keto. Pa nan ta mas rustig. Tin biaha ta kere cu examen ta bay ta asina moeilijk, pero ora cu a wak’e, e tabata basta ok, riba nan nivel.