Tur alumno di SPO Santa Cruz a gradua

Un total di 35 alumno di SPO Santa Cruz, representando 100%, a gradua y esey ta haci directiva di scol sumamente satisfecho cu e logronan aki.

E miho graduadonan pa cada sector, entre nan Administratie-ComercioFacilitair, tabata Hilyen Koolman. Jeremy Araque di e sector Tecnico y Yonah Zievinger cu ta e prome alumno di e IPO klas, cu a haya un combinacion di tecnico y administratie/comercio/Facilitair. Tambe tin cu bisa cu esaki ta e prome aña cu nan a wordo honra pa e Young Professionalnan di Kiwanis Aruba. E miho graduadonan tambe, hunto cu nan distincion, a ricibi un gift card di 100 florin.

E graduacion a tuma luga den Indian Rock Garden den un esfera hopi ameno entre e studiantenan.

Un palabra di pabien ta bay na tur e graduadonan como tambe na e docentenan cu a dedica completamente na e alumnonan pa tin un porcentahe halto di graduado. Ningun no a keda atras. Tur a bay padilanti. Awo nan ta cla pa e siguiente reto den nan estudio. Masha pabien.