Tristo ora bo scucha con gobierno ta gaba cu tur cos ta bon, pero en realidad ta un desaster tin. E cambernan cu tin destina pa polisnan den cura di warda di polis na San Nicolas ta un ruina completo. Dak cayendo den otro, bentananan kibra y practicamente pio cu un chollerhouse. Esaki ta un muestra of prueba cu gobierno ta predica un cos y haci otro. Dado momento esnan cu tabata biba den e casnan of cambernan aki mester a bandona nan hogar. Awo el a bira mas bien un peliger pa e area. Gobierno su mantencion ta hopi pero hopi malo mes. Prioridadnan ta pa nan mes biba bon cu nan hendenan. Por ehempel core den auto caro of duna nan mesun hendenan trabou etc. E resto no ta prioridad. Ora cuestiona cinco aña di gobernacion nan ta core busca un culpable y tira tur cos riba e gobernacion anterior. Mientrastanto pa e pueblo no tin nada bon. Puro medida of otro cosnan cu ta afecta directamente e poder di compra di e pueblo. E edificio aki ta otro ehempel bibo di un maneho desastroso di e gobierno pasa cu MEP y esun actual keto bay cu MEP. Un minister di husticia cu no ta sirbi y a kere cu e mas cu tur hende conoce e necesidadnan di Cuerpo Policial.
