Nos ta ya caba basta dia leu despues di aña nobo. Tin di compronde cu e Comision di Vuurwerk tabata tin un prome reunion riba e tematica aki. Ferdinand Ponson ta officier y vocero di Cuerpo di Bombero y y tambe e ta pertenece na e comision di vuurwerk y e ta conta cu e temporada di vuurwerk a pasa. E dianan di mag di tira klapchi a pasa. Entregamento di e ultimo vuurwerk tabata dia 7 di Januari y esey a pasa caba. A dicidi haci un reunion di biaha pa evalua e temporada y wak con el a bay, kico ta cosnan cu por drecha y haci pa e siguridad den e temporada aki bay miho.
Con a bay
Segun Ponson, e inventario di e klapchinan ta keda den man di e personal di DOW. No por bisa cuanto total a haya. Pero si tabata tin vuurwerknan cu a drenta bek. Controlnan a wordo haci riba e vuurwerknan cu a drenta na Wela, pa tene nan riba e fecha di produccion. Esaki a haci dos dia pasa. A papia riba diferente incidente cu a pasa durante di e aña tambe.
Loke a resalta
Loke mas a resalta, ta e vuurwerknan bieu cu tabata tin. Tin tabata data di 2014 y 2015 y tabata purba pa bende nan. Segun Ponson, esakinan ta un peliger grandi pasobra e vuurwerknan aki a wordo gehandle hopi biaha caba y asina cu cumpra esaki y bay cende, hopi biaha e ta keda sin cende of si e cende e por haci cosnan straño. Embes di haci un fontein, e por rementa pa motibo di e trato cu e vuurwerk a haya caba. Por a mira e aña aki, mescos cu aña pasa, cu un flowerbed a rementa 5 minuut prome cu 12’or di anochi, haci daño na varios cas y bentana. Esaki tambe tabata un flowerbed cu informacionnan cu a haya, ta di un aña bieu. E handling tabata por ta un di e consecuencia por ta di loke a pasa.
Deseo pa 2018
Tin diferente cos a wordo papia den e reunion. A wordo papia di e heridonan cu tabata tin, cual cifranan ta inoficial ainda. Ta desea pa sinta den reunion hunto cu esnan di hospital pa por yega na un momento si algo mester pasa, un incidente durante di e temporada, cu por haya e informacion cu ora cu e pashentnan yega hospital, cu di un of otro manera por bisa kico a pasa cun’e, cu kico el a kima, con el a kima, na ki grado el a kima y cua ta e vuurwerk cu a kim’e. Si ta un vuurwerk peligroso cu no a tene cuenta cun’e, por elimin’e di biaha for di mercado y evita cu tin mas herido cu e mesun vuurwerk.
Tambe a papia di e paramento di e containernan. Tin hopi container. Un total di 5 bendedo a yama prome cu dia 27 di December pa papia y puntra pa conseho, unda cu a bisa nan kico tur nan mester den e container. Ta bendedonan den nan prome aña. Esaki a bay hopi bon. Tabata tin algun container cu no tabata cumpli cu regla cu e midi di e edificio y caminda, di manera cu ora e dia a yega, nan por a opera trankilo. A haci control riba nan despues di dia 27 y esaki toch a sali di bon. Tin container cu nan mester a laga cera un rato, mas of menos 4 container, pa nan por a djis relocate nan, hal’e for di e edificio pa un paar di meter of for di caminda, of pone na un miho manera, pa asina por a sigui di biaha cu e benta di vuurwerk normal.
Tabata tin 4 cu a wordo cera durante full e temporada, cu a haya nan cu vuurwerk bieu, vuurwerk ilegal di 1.3 ta bende na publico y a haya e penultimo dia, un container cu tabata tin strikernan cu ya for di hopi aña a wordo kita for di mercado na Aruba.
Cifranan inoficial
A tende cu lo tabata tin 7 hende herida levemente door di vuurwerk. Con leve no por bisa, pasobra tin di bay sinta ainda cu personal di hospital, pa por aclarea esaki y pa yega na un meeting point pa por drecha pa e siguiente añanan aki, pa e comunicacion ta hopi mas miho.
