Wednesday, 23 July 2014
Mario Lopez: Pa habri wowo di pueblo no mas dinastia Print E-mail
Monday, 24 June 2013 15:49
DSC_2063
Despues cu pa 27 aña largo Aruba a ser goberna dor di e dinastia di AVP y di MEP a keda demostra cu en realidad nos finansa publico pa un gran parti a desaparece den e cuna di e dos ‘famianan’ aki.

Si nos gobernantenan di AVP/MEP, tabata politiconan sincero y integro ta masha logico cu cada bes di nobo ta controla y balansa e gastonan versus e entrada nacional pa asina maneha nos finansa publico na un manera responsabelmente saludabel.

Loke nos ta experenciando awor, pues un Aruba bancarota, hamas mester a yega na e limite aki si pueblo a realisa na tempo cu nos ta permitiendo cu finansa publico ser mal maneha pa dos ‘famia’.

Ta momento awor pa cada un di nos como ciudadano puntra su mes ‘kico a conduci mi cu mi no a tuma cuenta di loke ta tumando lugar cu finansa di mi pais? Puntra mi mes di con mi ta(bata) asina terco cu constantemente mi a sostene un di e dos ‘famianan’ aki pa dirigi esaki? Puntra mi mes di con cada bes di nobo cu nos debe nacional ta escala y cu ni esaki no por a hala mi atencion cu AVP/MEP ta mal maneha finansa di pueblo?

Puntra mi mes ta kico a pasa y ta kende anto tin e culpa cu mi a keda ‘ciego’ mientras cu dos ‘famia’ tabata ‘plumando’ caha di pueblo’?

Pensando bon, awor nos tur por consola nos mes y bisa ‘nos a ser indoctrina pa AVP/MEP pa asina nan por uza nos na nan benificio. AVP/MEP a blokia nos inteligencia y asina kita nos libertad di escogencia pa finalmente nos tambe ta complice di e mal maheho financiero di nos pais. Pa haci esaki posibel AVP/MEP a percura pa nan tin medionan di comunicacion comprometi na nan partido, pues cu ta bira e ora medionan di manipulacion. Medionan cu constantemente ta desacredita e gobierno na mando pa asina cu nan partido tuma rienda atrobe, nan tuma parti na e ‘benificionan ilicito’ cu e politica tradicional ta haci posibel y cu no ta castigabel pero si ta afecta moralidad di pueblo.

Si tabata tin un corte supremo cu kier tuma tempo pa studia e manipulacion di pueblo aki na serio anto e corte aki lo por categorisa e culpabelnan di nos situacion financiero di malo pa menos malo den e siguiente secuencia:

  1. E politiconan di AVP/MEP
  2. E medionan di manipulacion
  3. E pueblo cu a laga e sistema uz’e.

Awor ta keda na nos dos opcion:

  1. Nos por sigui mantene nos ‘wowo sera’ y laga cos sigui manera cu e ta.
  2. Of nos por scohe pa uni nos mes na e ciudadanonan consciente y conberti nos mes tambe como tal.

E promer opcion ta cu nos pueblo mester haci un sacrificio grandi pa paga pa e consecuencia di e mal maneho financiero di AVP/MEP sin tin e speransa cu esaki un dia por bira menos. Pueblo lo bira dia pa dia mas pober.

E di dos opcion ta, pa cuminsa mescos cu esun promer, e sacrificio di pueblo den tur forma bo no por preveni, pero nos lo tin e speransa cu dentro di un periodo relativamente corto pueblo cu pasonan gigantesco lo por beneficia di e desaroyo economico cu solamente un gobierno integro por realisa a base di un maneho financiero responsabel y saludabel.

E meta di e articulo aki y e dosnan anterior ta pa mustra pueblo e berdad a base di loke realmente ta socediendo dentro di e politica tradicional aki na Aruba, y asina haci pueblo comprende cu e tambe ta culpabel y cu e tin cu paga awor pa e consecuencianan.

Mario Lopez

Comentarionan (6)Add Comment
De Spiegel
June 25, 2013
201.229.16.243
Votes: +1
...

Chabe & What goes around:Boso dos ta 100% Cordinador di e Actaul Gobierno na mando,tur hende cu trece e berdat di boso Gobierno boso ta cla pa critikele,sin pensa un poco.Nan ta paga boso pa esey.

what goes around..
June 25, 2013
201.229.55.193
Votes: +3
...

OUD nieuws . carne , pisca ,carne...Parce cu e guy aki a probecha 27 anja largo dje systema di AVP/ MEP ( van 2 walletjes eten), pero esei ta bai stop . so kiko e ta hasi e ta basha bow riba nan. whahaha. Sooo simple...

Indian297
June 24, 2013
201.229.29.20
Votes: +0
...

E guy ki tin rason si, pa 27 anja largo e 2 partido nan aki a sinta hasi coy mucha manda i sinta punta dede riba otro enves di traha pa e baranca ki cu lastimamente ta baiendo den direction critico compara cu tempo ney

Stan
June 24, 2013
72.252.9.50
Votes: -1
...

Esaki ta e realidad tristo!! Ambos gobierno ta i lo sigi malgasta i despues tuma medida contra pueblo cu a vota pa nan...
Ta pesei, no ta nada stranja cu nos Aruba a bira un di e islanan mas caro den caribe i nos income tax ta esun mas halto di mundo...check e site aki!

http://www.rediff.com/business/slide-show/slide-show-1-ten-countries-that-have-the-highest-tax-rates/20120517.htm#1

chabe
June 24, 2013
81.68.123.223
Votes: +12
...

De beste stuurlui staan meestal aan wal.Aki un otro mas. Di con bo no a postula bo mes riba lista di un di e partidonan of lanta un partido cu bo ideologia y bringa pa e pueblo di Aruba.Stop di para na banda critica, bira macho mi brother.

torr
June 24, 2013
190.104.105.114
Votes: +0
...

Berdad berdad berdad !!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter