Monday, 28 July 2014
Clyde Harms: Pabien, hopi pabien, Aura y Frans Croes Print E-mail
Tuesday, 05 March 2013 20:01

Dorinda Croes 1954

E reportahe di e aniversario di 70 aña di matrimonio ta menciona cu nan a hunga korfbal, pero sin mas detayes. Na aña 1950 mi tabatin e privilegio y placer di sirbi como capitan di e ekipo Indiana den cual Frans y Aura tabata hunga tambe. Por cierto, Frans y Aura tabata e curazon y alma di e ekipo. Indiana a sali sub-campeon. Adhunto e foto di Indiana saca na Lago Sport Park e dia cu nos a hunga e finale pa campeonato.

Memorianan di mi asociacion cu Indiana y e pareha Frans y Aura ta yena mi cu sentimentonan bunita. Ta hungando cu Indiana mi a namora Beatriz Lopez Henriquez (d.f.m.) kende tambe tabata hunga den e team. Dia cu nos a casa na 1954, nos tabatin e honor di tin como strooister Dorinda, e di dos yiu di Frans cu Aura. Despues cu nos a bay laga Aruba na 1961 e lasonan estrecho cu Frans y Aura a bira un victima di e distancia cu a separa nos famianan, pero mi admiracion y cariño pa Frans y Aura, nunca a mengua. E contribucion comunitario di Frans y Aura ta legendario. Nan yiu Maybelline ta garantia cu e contribucion na comunidad Arubano lo sigui den seno cultural. Na e ocasion di nan aniversario excepcional, nos tur mester manda no solamente di felicitacion, pero tambe un danki grandi danki pa e pareha Frans y Aura Croes. Cu nos Señor sigui bendiciona Frans y Aura pa hopi aña mas. clydeharms@yahoo.com

gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter