Diahuebs, durante cu e debate tabata andando Warda nos Costa hunto cu polis a presenta na Cas Casuela y a bay cu varios persona indocumenta cu ta kedando ilegalmente na Aruba.
No ta conoci si ta trata aki di trahado y/of cliente y ki nacionalidad, pero un cos si ta conoci, varios persona a keda deteni y hiba na Huis van Bewaring na Dakota pendiente investigacion y/of deportacion. Remarcabel tabata tambe cu den e oranan di anochi eynan, e barbuletanan cu ta bula rond den Koningstraat y na e crusada di Emmastraat/Avenida Alo Tromp, tabata manera spoorloos, mirando cu ni polis ni Warda nos Costa ta haciendo wega. Raspa nan ta pasa raspa riba esnan cu ta ilegal. Esey ta un muestra cu bo por yega Aruba, pero si bo no ta legal, bo no ta keda. Bay bo ta bay.
