Atrobe mas cu 40 detencion riba ultimo dia di carnaval

3252
RBC Mortage
24 ora App
E Hefe DMAX
CMB Instant Deals 6%

Polisnan Tabata tin man yen atrobe cu parada di carnaval diadomingo. Aña pasa Tabata tin hopi riba e ultimo dia. E anja aki e no ta un excepcion. El a keda casi mescos segun e prome informacion di Polis. For di trempan despues cu parada a sali a cuminsa haci detencion. Tabata tin sospechoso cu hasta a logra huy pa Polis y durante huida a laga keds atras y a logra scapa cu un keds so na pia. E parada a yega laat na su final y esey nifica cu e hendenan a keda bebe basta largo y cu e cansancio y solo cayente, el a bin cu su efecto riba comportacion di algun di nan cu consecuencia cu nan a faya y nan a haya. Varios Sub Fiscal a traha pa asina ricibi cada sospechoso cu keda deteni.
CEA Tabata pasa busca tur esnan cu tabata keda deteni durante parada. Dimes e ley di listramento preventivo a traha bon. A detene hende pa droga y e biaha aki e multa a bira mas halto. Hopi di esnan cu ta wordo deteni tin marihuana den nan poder. Expresion di e sospechosonan ta cu e droga lo wordo legaliza y pesey nan ta kere cu nan por huma of cana cu marihuana sin mas. E multa cu nan a haya mester a wordo paga mesora sea cash of swipe. Esun cu no paga mester presenta despues cerca huez y aki e multa lo por bira dobel. Ademas di detencion pa droga a haya tambe durante listramento bala cayente den un auto. Eynan tambe detencion a cay. Banda di Bestuurskantoor Despues cu parada a pasa bay yegando final e problemanan a sigui riba e ruta.

Mas cu 40 detencion den Parada Grandi

Polisnan Tabata tin man yen atrobe cu parada di carnaval diadomingo. Anja pasa Tabata tin hopi riba e ultimo dia. E aña aki e no ta un excepcion. El a keda casi mescos segun e prome informacion di Polis.

Posted by 24ora on Monday, February 12, 2018

A haci varios detencion riba e ruta. Varios di esnan deteni ta sea droga of bebi y tabata bay asina leu di resisti contra Polis. Polisnan tabata tur caminda cu diferente unidad sea den ruta for di trempan y despues di parada mescos. Riba henter e ruta a haci detencion. Un caso cu tambe Polis a atende cune Tabata banda di pafo di Harbor Arena. Ora cu tur hende Tabata bay pa kimamento di Momo, Polisnan a topa cu pelea y cu mandamento di boter. Un di e sospechosonan Tabata masha rabia mes cu Polis a detene. E no kier a duna masha informacion y tabata grita so. Polis a pone na boei. Despues Tabata tambe den Harbor Arena cu Tabata tin un hincamento. Eynan Polisnan a yega mesora y ambulance a atende cu e victima. Dos corta el a haya. Peleanan no a caba eynan. Mas despues cu a caba di kima Momo e musica a sigui. E ambiente Tabata bon pero e comportacion a laga hopi di desea di cierto hoben. Dos hoben cu a bay bringa a keda deteni den e Harbor Arena. Despues di eynan tambe pafo cos Tabata cayente. E grupo di hoben Tabata core tras di otro y djey peleanan ta cuminsa. Recherchenan y tambe Polisnan Uniforma y Mobiele Eenheid a logra atende cu tur e situacionnan despues di carnaval te ora cos a calma.

Comments

24ora Gana Cel

comments

Amerijet
Dragon Fly
Juju Events