Uruguay a logra e pase pa octavonan di final matematicamente danki na un gol di Luis Suarez contr Saudi Arabia (1-0). Cu e victoria aki, Rusia tambe ta keda clasifica y e Saudinan ta converti den e di tres seleccion elimina hunto cu Egipto y Morocco.
E diferencia futbolistico entre ambos seleccion, mas cu evidente y resalta pa e goleada cu e Sauditanan a ricibi den nan encuentro cu Rusia, mester a sigura for di e comienso e pase pa octavonan e seleccion Charrua. Sin embargo, Arabia no tabata tin nada di perde.
E partido a cuminsa cu un ritmo hopi lento: La Celeste, menasando pa e bandanan dilanti algun Saudi, cu tampoco tabata full incomodo. A costa Uruguay algun minuut pa cuminsa ataca e porta di gol di Al Owais y e wega a desaroya, specialmente den centro di e campo y poco yegada.
Den un skina na fabor di Uruguay, Luis Suarez a haya su oportunidad danki na un garafal fayo di e portero Saudi. Al Owais a sali na despera, el a faya y a laga e bala ay net banda di e hungado di Barcelona. Suarez solamente mester a remata y a estrena e scoreboard.
Cu e gol, e partido a anima algo mas. E Sauditanan a ariesga hopi mas y a laga espacionan hopi peligroso cu Uruguay a haya facilmente. Cavani tabata casi pone e di dos, pero e no a logra. Entre e Saudinan, e unico cu a crea algo di peliger tabata Bahbir cu dos tiro cu no a logra. Mientras cu e minuutnan tabata pasa y conciente di su clasificacion, e Uruguayonan a sigui cu un speed modera centra den e defensa.
Trad e pase pa e vestuarionan, e eskema tabata mas of menos mesun cos. Uruguay a bolbe domina un partido unda cu Suarez tabata esun cu tabata busca un di dos gol cu mas gana. Un destacado Godin a delanta e ekipo Saudi y a crea hopi ocasion. Un remate unda cu Carlos Sanchez a yega laat, a pordona e 2-0.
E menasanan na e porteria di Al Owais tabata constante. Un falta hopi peligroso entre e banda y area cu a remata Caceres casi ta bolbe pone e di dos, pero esaki a bay hopi halto.
E saudinan tabata tin hopi carencia y apenas nan tabata logr haya verticalidad.
E recta final a resumi den un Saudi Arabia cu no tabata ataca, pero tabata tranca prome pa yega na e area. Cu e siguridad di e clasificacion tras di lomba, Uruguay a sigui trankilo. Exceptuando un ultimo intento di Cavani cu e keeper a evita den e di 86 minuut, La Celeste no a purba mucho mas.
