Adictonan ambulante tin bon y malo. Esey mes ta loke a keda mira na momento cu algun adicto tabata tratando di drecha un tubo cu a wordo kibra pa otro adictonan. Esaki a pasa den oranan di mainta na salida di solo dilanti di Ex Mi Chalila den Emanstraat. Polis a mira e situacion y baha atende mesora. E dos adictonan Chico Gang y Gonzo ta esnan cu ta frecuenta y mantene e area ey banda di Parke dilanti corte. Pesey mes nan a purba pa alivia e problema dor di trata di sera e spuitmento di awa. A keda di informa WEB tambe su personal pa mira con por atende e spuitmento cu presion halto. Si e tubo kibra ta prome cu e meter ta ok pa esun cu mester paga tur luna. Si e ta kibra despues di e meter, anto e meter lo a draai y bin cu un recibo poco halto. E dos adictonan dimes no a perde pa gana y a yena dos cos cu awa pa asina nan por usa.
