Un pistool menos riba caya!

Diamars alrededor di 3:00am a sosode un problema den parkeerplaats di Certified Supermarket riba L.G. Smith Boulevard unda un Volkswagen Polo color shinishi a dal den un brommer y e chauffeur a saca arma pa e otro. E mesun homber a purba drenta un cafe den vecindario por lo menos 3 biaha y a neng’e tur biaha pa motibo cu a sinti cu e tabatin un arma den su poder, pa cual a avisa Polis tambe. Polisnan riba bicicleta tabata den vecindario y a activa mesora. Cu cautela a detene e chauffeur di e Volkswagen, debi cu e mes a bisa di tabata arma. A haye cu un pistool den su poder, pa cual a detene mesora, suela abou!