Un peliger menos riba caminda

Algo desues di 1or di atardi polis a wordo dirigi na EPB school San Nicolas unda cu lo tin un careda entre dos scooter tumando lugar. Na yegada di polis no a encontra cu e scooternan cu a tira un careda riba Caya Jose Geerman, pero un poco mas pariba di e scol a bin topa cu un scooter cu ta cuadra cu discripcion duna. Testigo nan a confirma cu esey ta un di e scooter nan cu a participa den e pustamento.
Polis a puntra e manehador di e scooter pa su documento nan pero e chauffeur no por a duna polis esaki nan, pues polis a bay cu e scooter warda pasobra e scooter no tin ningun papel y tampoco e manehador tin rijbewijs. E chauffeur di e scooter ta alumno di e dicho scol y ta den e sector di tecnologia. Testigo nan a duna di conoce cu e hoben aki tin hopi dia ta haciendo molester riba e caminda aki y ta core hopi inresponsabel y sin ningun proteccion pa su mes.