Segun Pader Szpila, cada parokia ta manera un alma di e area, un alma di e bario. Un luga unda hende por encontra cu Señor Dios. Por supuesto cada hende por topa cu Señor den su propio curason, den su propio cas. Den parokia tin e celebracion di sacramentonan. Tin presencia eucaristico di Señor Hesus, tin proclamacion di palabracion di Dios. Tin manifestacion publico di fe, comparti fe cu otro. E ta un alma di e parokia. E ta un luga unda parokianonan, habitantenan di e bario por busca auxilio na momentonan dificil tambe. Na momentonan di enfermedad, na momento di morto di un ser keri. Ta e luga unda cu bo ta acerca pa haya auxilio di Dios, pa fortalece bo speransa Cristian y por supuestonan alegre, momentonan di mas importante den nos bida, manera bautismo, manera prome santa comunion, confirmacion, sacramento di matrimonio, tur esaki tambe ta wordo celebra den misa di parokia. Un gran parti di bida cu su momentonan di mas importante ta keda marca y ta keda celebra den un misa di cada parokia. E ta un presencia hopi importante pa pueblo di Dios.
