Costa Rica, cu a keda cuater aña entre e ocho mihonan, no tabata tin un reencuentro feliz cu Mundial, unda cu el a perde 1-0 contra Serbia, diadomingo na Samara, complicando su futuro den Grupo E.
E unico gol di e partido a wordo logra den minuut 56 Aleksandar Kolarov, di falta directo, ante loke no a sirbi pa nada e stretch di Keylor Navas.
E portero di Real Madrid a salba cu varios intervencion un victoria mas abulta di e Europeonan, frente un Costa Rica cu na excepcion di e prome minuutnan, no parce di tabata den condicionnan di midi di igual a igual e combinado Balcanico, unda cu e hoben Sergej Milinkovic-Savic, di 23 aña y naci na Spaña, organisador di henter e wega Serbio, a destaca.
Tras di e gol, e selecconador Centro Americano, Oscar Ramirez, a realisa cambionan ofensivo, cu entrada den e cancha di Joel Campbelo, un di e destacadonan di e torneo di 2014 (cuartonan di final na Brasil), Cristian Bolaños y Daniel Colindres, pero Serbia a defende su mes bon di e atakenan.
No solamente nan a defende, sino cu e Europeonan a probecha cu e Centro Americanonan a subi riba nan liña en busca di e empate pa explota e espacionan cu e Costa Ricencenan a laga atras.
Costa Rica a purba te na final, cera pa e Serbionan den su area den e ultimo minuutnan, pero sin ocasionnan cla con pa a aspira na e reparto di punto.
Foto: FIFAⓒ
