Diasabra merdia, pa mas o menos 12:40pm a despacha varios patruya di Polis pa busca un Pick-Up marca Totota cu tabata core malo riba caminda, treciendo trafico na peliger. A topa cu e auto patras di e edificio unda antes tabata Codemsa na Morgenster. Durante control, Polis a haya un holor sterki di alcohol, pa cual a pidi e chauffeur pa pasa e test di rosea. E prueba a sali malo pe, indicando cu probablemente el a consumi alcohol y a alcansa un nivel mas di locual ta permiti pa tin den bo rosea mientras ta stuur un vehiculo di motor. E delito aki tabata motib suficiente pa detene e chauffeur y hibe Warda di Polis pa e pasa su wayaba den un cel, pa evita cu e ta haci daño na otro chauffeurnan inocente y ni tampoco ma su mes. Polis ta controlando pisa contra chauffeurnan burachi tras, pues si Bo bebe, percura pa Bo tin un chauffeur alternativo pa stuur pa Bo.
