Un anja despues di e kimamento na Pasadia Briyo di Solo

Awe ta precies un anja pasa cu Pasadia Briyo di Solo a kima e prome dia despues di vakantie grandi. E tabata un tristesa grandi pa cliente y trahado pa wak nan lugar destrui completo.

E team di pasadia Briyo di Solo a pone man na obra y a logra lanta e lugar bek hunto cu ayudo di seguro y hopi persona den communidad.Por wak e portretnan di nos clientenan cu ta asina contento di ta bek den nan lugar pa cuminsa un anja escolar cu yen animo.

Personanan special tambe tin derecho di desarolla nan mes y tin un lugar unda nan ta sinti nan mes bon den communidad unda por comparti cu otro. Tur e ayudo cu Pasadia Briyo di Solo a ricibi durente e anja dificil cu a pasa aden ta mustra cu e derecho aki ta wordo reconosi dor di hopi hende na Aruba.

Stichting voor Verstandelijk Gehandicapten Aruba ta cuminsa e anja escolar nobo deseando tur nos cliente/alumno, mayor y trahado di Pasadia Briyo di Solo, Centro Man na Obra, Cas Sjabururi, Pasadia Bibito Pin y Scol Dununman hopi exito pa cada un logra su meta personal.