Diahuebs anochi a tuma lugar bautismo di uniform pa e umpirenan cu lo dirigi e weganan di Liga Preparatorio di ABBA. E ceremonia a tuma luga na Centro di Bario Lago Heights den presencia di umpirenan. ABBA-Umpires & Scorers Corps ta un comision instala na April 2018 pa directiva di ABBA y cu tin como hefe di umpire (UIC) Ing. Edson Louisa y di dos hefe di umpire Francis Maduro. Meta di e comision ta pa structura y mehora e nivel di nos umpirenan dor di evalua, duna curso na umpirenan existente y formacion di umpirenan hoben hunto cu Caribbean Umpire Camp cu ta opera na Aruba y den region di Caribe. ABBA-USC ta habri pa traha cu tur cuerpo di umpire existente y umpirenan independiente y asina eleva nos baseball.
