Turista a herida su mes malamente durante kitesurfing

Pa 11’or y 25 di mainta, mas of menos, awe diamars, a sosode un accidente, unda cu un turista, cu tabata disfrutando di e deporte di Kitesurfing, dado momento a bay halto y a cay fracturando su brasa na Boca Grandi.

Na prome instante a drenta informe cu e turista lo tabata mal herida. Polis na San Nicolas a sali cu urgencia pa e sitio y tambe ambulance a bay. Na momento cu nan tabata na e sitio, a pidi presencia di brandweer den e caso aki, pasobra mester a translada e victima pa ambulance y ta un bon pida cana den e santo blanco.

Turista a herida su mes malamente durante Kite Surfing

Posted by 24ora on Tuesday, May 15, 2018

Ta pa e motibo ey mes, bomberonan a yega rapidamente na e sitio. Mester a yuda e victima, kende tabata drumi riba santo. Su brasa tabata fractura di tal forma cu dificilmente e por maniobra y tabata grita di dolor na momento cu tabata corta su flanel y purba lant’e. A pone riba un stoel di beach. For di momento cu pone, a carg’e pa asina hib’e na e ambulance, cu tabata mas of menos 100 meter mas pabao.