Homber a hera hoga riba Eagle Beach

Accion rapido di EMT di La Cabana a yuda turista cu a bay drenta lama na Eagle Beach di hala rosea bek. Diasabra mainta algo prome cu 11 or e homber turista lo a landa poco leu for di tera, pa ora e homber mester a drenta bek e la guli hopi awa. Algun bon samaritano a yuda e homber landa bek tera. EMT di La Cabana mesora a yuda e homber pa e hala rosea mihor. Polis y Ambulance a presenta pa wak si mester a duna mas atencion  na e sucedido.