IBISA a tene un conferencia di prensa caminda a anuncia e Turibana Loop di 10.5 Kilometer. Durante e conferencia di prensa Monique van Embden cu ta directora a hiba palabra. El a duna informacion riba e Turibana Loop. DIadomingo 10 di September e evento lo tuma lugar y registracion ta 5or di mainta y careda ta 6or di mainta. E lo cuminsa y caba na Noord. Por registra caba pa e evento aki. Online por registra y e ta bira mas facil pa tur datos ta corecto. E pago lo tuma lugar na IBISA mes segun Monique van Embden… E prijs ta 20 florin pa local y 15 dollar pa esnan no local. Lo haci uso di e chip tambe pa asina saca bo resultado riba e tempo. Mester tene cuenta cu ora busca bo number pa no bruha e number of doble pa causa daño. E number ta personal. Monique van Embden a splica cu no por corigi e eror di number y por cay pafo di premiacion. Directora di IBISA a splica cu e importante ta cu e resultado ta conoci mesora cu uso di un sistema di marca tempo. Nan tin diferente post di awa cu ta localizable riba e ruta. No tira e saco di boli cu awa afo ora caba di bebe. Mester cuida e medio ambiente. Mester ta conciente di cuido di nos naturaleza. E premiacion ta bin mesora despues di careda. A mustra Monique van Embden cu e keho tey riba e peliger cu tin riba caminda. Nos tur mester ta conciente di e trafico. Polis semper ta copera cu e caredanan clasico segun e diretora di IBISA. Nan tin un cuerpo di voluntario cu lo pasa na cierto punto. Ta pidi tur grupo cu por yuda riba caminda haci esaki y asina e coredor por sinti su mes mas sigur. E interes tey di afo aunke e careda ta uno cortico. Cada aña mas y mas coredor ta bin espontaneo pa participa na e careda aki. Tin grupo ta manda email pa participa y e grupo aki ta creciendo. Ta mira cu e turista y bishitante di nos isla ta gusta e caredanan aki. E ambiente na Aruba despues di careda ta tremendo. Ta topa hunto y ta combersa den grupo y bebe algo of come algo. Tabata tin turista cu a cay den premiacion tambe biaha pasa segun Monique van Embden di IBISA..
