Poco poco e dianan ta yega pa e tan spera y popular careda di Turibana 10.5K cu ta tuma lugar riba diadomingo dia 10 di September 2017. E careda ta sali pa 6:00 a.m. y for di 5:00 a.m IBiSA Team ta cla pa ricibi tur participante na MFA Noord, na unda e careda ta start y finalisa.
Esaki ta un tradicional 10.5K cu ta hala basta atencion di nos atletanan local pero tambe di esnan internacional . Atletanan ta prepara grandemente pa e competencia aki, entrena fuerte y sigur pa mehora nan tempo. E categoria ta como lo siguiente: 14- 19, 20-29,30- 34,35-39,40- 44,45-49,50- 54,55-59 y 60+ Inscripcion ta cuminsa e siman aki online via https://registration.mylaps.com/turibanaloop/ y e pago lo por wordo haci na IBiSA Frankrijkstraat 1. Ora di oficina na IBiSA ta for di 8:00a.m. pa 12’or di merdia y despues for di 1:00p.m. pa 4:00p.m.
Costo di inscripcion pa participante local ta Afl. 20,- y pa participante internacional ta US$ 15,-. Cu esaki bo ta haya un bunita dry fit T-Shirt di recuerdo di e “38 rd Turibana 10.5K Run”. Ta corda tur participante pa inscribi trempan y pasa paga pa sigura bo participacion na e gran evento aki, pues riba e diadomingo mainta di careda no ta tuma inscripcion sino solamente ‘check-in’ di e atletanan cu ta presente pa participa. Keda pendiente riba Facebook di IBiSA of den medionan di Comunicacion pa lo demas informacion
