Diadomingo pa mas o menos 2:30am a despacha varios patruya di Polis pa un pelea na Gusto Nightclub. Na yegada Polisnan a topa cu 3 homber na vloer, wanta dor di e miembronan di siguridad.
Siguridad di e club a splica e agentenan cu e trio Mericano aki a agredi un bartender paden, pa cual a atende cu nan y saca nan afo mesora pendiente yegada di Polis.
Polis a detene tur tres y a hiba nan Warda di Polis na Noord, pa presenta nan dilanti un Fiscal Auxiliar pa dicidi riba nan encarcelacion of libertad condicional. Kico ta e motibo cu nan a agredi e Bartender, no ta conoci.
