Diasabra 3 di februari ta sali pa Hulanda 4 hungador pa hasi try-out cu teamnan profecional. E hungadornan aki ta; Moises Castro di Britannia, Kyle Budhu Lall di Britannia, Xander Wouters tambe di Britannia y Etan Tromp di Bubali.
E try-out lo tuma lugar entre 5-13 di februari y nan lo regresa Aruba dia 14. Tur cuater hungador lo train cu e team oficial den nan sección di nan categoria y nan lo hunga 2 wega oficial tambe. Den e seccion di trainingnan y weganan aki e coachnan prinsipal di FC Twente y FC Utrecht lo ta presente pa observa e talentonan local aki. Tur cuater hungador tin talento di sobra pero lo no ta un tarea fasil na Hulanda. E hungador/nan cu wordo escogi por regresa Aruba y prepara malete pa bai bek Hulanda den luna juli 2018.
Tur cuater hungador lo keda den hogarnan di FC Twente y FC Utrecht, e famianan aki nan ta jama kostgezinnen. Algun luna atras e hungadornan a haña e opurtinidad di haña scholership y keda na Merca pero e costonan tabata demasiaso halto. Un danki ta bai na AVB y su presidente Sr. Richard Dijkhoff, Sr. Martin Koopman cu a hasi tur e contactonan na Hulanda, na directiva/ comicion di SV Britannia y na su presidente Sr. Cedric Werleman y na e coach Luis “Coco” Estrada. Nos ta desea tur e cuater hungadornan aki exito na Hulanda y confia den Dios pa tur cos.
