Diadomingo merdia a sosode un accidente entre dos auto. Polis a haya informacion cu tin un desgracia cu herdia na Sero Patrishi.
Esaki tabata dilanti di Ex Charlie Self Service. Ora cu Polis a yega a topa cu dos auto basta kibra. Entre e dos autonan aki tabata tin tres ocupante cu a keda herida. Polis a pidi pa ambulance. Un di e chauffeurnan tabata tin entre otro un corta na cabez. E auto shinishi tabata bayendo direccion Paradera y e auto berde tabata bayendo Sero Blanco. Na dado momento esun shinishi a bay den robez y dal den e trafico di direccion contrario. E impacto tabata fuerte. Polis a pidi pa takelwagen. Dos ambulance a presenta mirando cu ta tres herido tabata tin. Esnan mas serio a haya atencion mesora. E situacion di e heridonan no ta grave.
