Diasabra pa mas o menos 5:00pm un homber trahando riba e dak di e cas cu a kima ayera den Celciusstraat, a resulta herida y no por a baha. Mesora habitantenan a yama Polis y Brandweer pa brinda asistencia. Bomberonan a uza trapi pa subi riba e dak pa por logra baha e trahado abou y brind’e atencion medico. Parce el a cay for di dos piso y tabatin dolor na tur parti di su curpa. A transport’e pa Hospital pa tratamento medico avansa.
