Toys R Us tin planea pa likida su operacionnan na Merca

Toys R Us ta na caminda pa likida su operacionnan na Merca, poniendo asina trabao di mas of menos 30 mil empleado na peliger, mientras cu esaki ta nifica e final di un cadena, conoci pa generacionnan di mucha y nan mayornan pa su tiendanan gigantesco y e mascota, Geoffrey, e giraf.

E ceramento di 740 compania na Merca ta bin despues di lunanan cu lo finalisa e caida di e cadena, cu a cay bao di un debe pisa y e trendnan inevitabel cu a corta e negoshi, for di online shopping pa weganan di celular.

CEO David Brandon a conta empleadonan diaranson, cu e compania di planea pa likida tur e tiendanan na Merca, di acuerdo cu un grabacion di e reunion obteni pa Associated Press.

Brandon a bisa Toys R Us cu lo purba pa wanta su negoshi Canades, cu mas of menos 200 tienda y lo purba di haya un cumprado. E tienda online di e compania Mericano, lo sigui ta on pa e proximo simannan, si acaso tin un cumprado p’e.

Probablemente tambe lo likida e negoshinan na Australia, Francia, Polonia, Portugal y Spaña, di acuerdo cu e grabacion. Ya caba el a afecta e negoshi na Reino Uni. Esaki lo lag’e cu tiendanan Canada, Europa central y Hapon, unda cu por haya cumprado pa esakinan.

Toys R Us tin mas of menos 60 mil empleado full y part time aña pasa mundialmente.

Brandon a bisa riba e grabacion cu e compaina lo ta yenando papelnan di bancarota y lo bay tin un caso den corte diaranson.

“Nos a traha mas duro cu nos tabata por, birando cada piedra,” Brandon a bisa su empleadonan. El a duna culpa di su problemanan riba media, bisando cu storianan negativo riba e prospectonan di e compania a spanta cliente y vendornan.

The Wayne, un compania basa na New Jersey, a nenga di duna comentario.

E cadena a opta pa bay riba e proteccion di capitulo 11 di bancarota herfst ultimo, cu un cantidad di 5 biyon di dollar na debe cu a afecta su intentonan di competi mientras cu cumpradonan a move pa Amazon y cadenanan gigantesco manera Walmart.

E compania a priminti pa keda habri, pero Brandon a conta su empleadonan cu e tabta tin bentanan devastador durante e temporada critico di dianan di fiesta, mientras cu cliente y vendornan nervioso ta mantene nan leu. E ta haci su prestamistanan mas eskeptico pa inverti den e compania. Na Januari, el a anuncia su plan pa cera mas of menos 180 tienda den e proximo lunanan, lagando esaki cu un tiki mas di 700 tienda.

Door di a opta pa proteccion di bancarota herfst ultimo, Roys R Us a priminti di haci su tiendanan mas interactivo. El a agrega demostracionnan durante e temporada di fin di aña, pa mustra hende con coy hunganan ta traha y a cuminsa habri e Play Labs den 42 tienda, areanan caminda muchanan por hunga cu diferente cos.