Tiro riba cas por tabata fatal

E tiro dirigi riba e trailer na Ponton por tabata fatal si e momento ey e habitante a pasa bay na su frigidaire. E tiro a penetra den e freezer na altura di cabez di un adulto.

Esaki ta net den entrada di e camber unda e señora tabata sosega e monento ey, Te ainda no sa kende a slow cu e auto blanco y paga luz djey los e tiro riba e trailer. Tin cuater persona cu a bay duna declaracion na recherche. Autoridad segun esnan na e cas a yega mesora ora cu nan a yama pasobra a wordo tira riba e trailer. E tiro a pasa raspa un hekki di plastic pafo, djey pasa dor di e palo di e trailer. E tiro a pasa dor di un cuadra colga y sigui bay pega den e frigidaire parti ariba.

E bala a keda den e freezer pega. No por a logra saca esaki. Cuerpo Tecnico a haci su investigacion na e adres. Dimes loke a sosode a trece un susto grandi pa e pareha biba den e trailer. Nan a kere cu nan ta biba safe den nan cas. E pareha ta un famia hopi trankil. Nan ta biba eybanda di 1973 y nunca tin problema cu hende. Ta trata di famia fam B conoci den e area di Ponton. Nan ta spera cu por pone man riba e criminal aki y asina evita cu otronan tambe por pasa den un situacion similar cu nan.