Diahuebs anochi pasa di 7or a manda Polis pura den direccion di Figaroastraat pa un caso di tiramento. Ora cu Polis a yega na e sitio a haya informacion mesora kende lo a los e tironan. A pidi refuerzo di mas unidad cu a presenta na e sitio. A topa cu e persona cu lo a los e tironan tambe.
Aki ta trata di e homber fam G. El a keda deteni pero no a haya e arma cu a los tironan. Despues di detencion a scucha varios declaracion. Asina a atende cu mas hende na e sitio y detenenan bay cu nan warda di Shaba den diferente auto.
Ta wordo menciona cu e otronan deteni lo ta inocente. Dor cu nan ta conoci caba den otro confrontacionnan, a pone cu a detenenan ora nan a bay wak e situacion. Esey na final lo keda proba den e investigacion. Na e sitio mes un investigacion profundo a tuma lugar pa asina mira si por haya e arma cu a wordo usa. Esey pa Polis ta mas importante. E tiramento a cuminsa despues di cierto discussion cu tabata tin. No ta prome biaha cu tin uso di arma di candela den e zona ey.
