Tin caminda di Green Corridor lo wordo coregi pasobra e no ta vlak

Con e trabao ta bayendo, tin cu bisa cu e lo bay bira disponibel pa por fluhi e trafico mas miho. Tin caminda cu e calidad of vlakheid di e asfalt no ta na su luga, cual a mand’e den un carta caba pa nan. Nan reaccion ta cu nan lo bay drecha esakinan bek pa e por core smooth manera cu e otro camindanan ta coriendo. All in all, DOW ta satisfecho cu e proyecto ta biniendo cla y cu nan ta bay mantene pa e proximo 18 añanan.

 

Area

E caretera unda cu a manda carta riba dje, ta e pida entre aeropuerto cu Mahuma, e parti nobo cu a wordo traha y di Mahuma bay direccion Sero Tijshi. Esey ta e dos partinan cu ta esunnan mas malo, cu nan tin cu bay coregi.

 

Fecha

E fecha cu lo habri ta aim pa fin di luna, habri e brug, pasobra e trabaonan tin cu sigui pa nan por yega pa 15 di November. Esey ta nifica cu mas lihe nan habri e brug, mas lihe nan por cuminsa traha riba e caminda existente pa nan por realoca e trafico.

 

Vangrails

No a tende di vangrails no tende di dje. Croes a splica cu vangrails ta algo cu ta wordo buta, pasobra no tabata tin 4lane. Pa bo por garantisa e siguridad di trafico y pa bo garantisa acceso no desea riba e infrastructura, ta cer’e full cu vangrail na ambos banda y esey ta trece cun’e cu bo ta protehe, bo ta cuida e siguridad den trafico riba dje. Na momento cu acepta subimento y bahamento di e caminda aki, unda cu ta, bo ta haya un reduccion den bo capacidad y tambe den bo siguridad. Esey ta wordo buta for di rotonde di Pos Chikito te cu rotonde di aeropuerto.

 

Algun sero di santo

Riba esaki, Croes a splica cu e lo bay wordo embeyeci. Ta un sero di santo cu ta wordo uza pa no uza vangrail mey mey. Vangrail mey mey tin diferente aspecto. E no ta appealing pa e wowo y tambe, e ta peligroso pasobra tin diferente kabel di Elmar y tuberia di WEB abao pa cual den e reunionnan cu a tene cu e companianan di utilidad, a palabra cu no lo pone vangrail, pero un monton di santo cu lo bin landscaping riba dje.