Na Palm Beach un homber Canades di vakantie na Aruba a gara su casa cu otro homber. Mundo ta chikito pero Aruba tambe ta un isla mas chikito ainda. E homber a sali cu su mama y su sobrina cana bay direccion Palm Beach. Pasando banda di e South Beach a mira un localidad manera bashi. El a bisa su sobrina y mama warda un rato.
El a bay mira e localidad pa asina mira si ta algo cu e por haci negoshi cune. Ora el a bay mira esey el a topa cu su casa cu otro papito. E muher ta Colombiana. El a conoce e muher algo mas cu un aña pasa na Aruba durante su vakantie. El a topa cune durante un tour na e Faro. Djey el a casa y saca Visa pa e muher y manda buske hibe Canada. Eynan nan a keda un aña y awor nan a bin haci un tour na Aruba unda e homber a bin bishita su mama y famia biba aki. E mama ta di Venezuela.
Djey diadomingo a keda di sigui pa Colombia pa asina na Bucaramanga conoce e muher su famia tambe. Awor cos a daña na Aruba ora e muher Sonia a wordo gara pa e casa net ora e tabata na pia caminda pa lama. Tabata henter un drama na e area di Palm Beach. Polisnan a haya masha hopi yamada pasobra ora e homber a bay atende cu su casa, e supuesto amante a saca un cuchio masha grandi mes. Parce e amante a sospecha cu e casa lo dale of dal e muher y aki gritonan a cuminsa cu a pone henter e area bou tension. Tur hende eybanda cu a scucha e gritonan y cuchio grandi den man a core yama Polis.. Prome unidad cu a yega hasta a pidi refuerzo. A haci tres detencion.
A detene e homber supuesto amante cu tabata cana cu e cuchio. Polis a haya e cuchio benta mas leu entre Aqua Grill cu Mc Donald’s. Despues di detene e supuesto amante a bay over na detene e casa di e muher y tambe e muher mes. Cada uno separa den auto di Polis. A bay cu nan warda di Strand Politie pa asina papia cu nan. E mama di e Canades di vakantie na Aruba y un sobrina menor di edad a pasa den un sosto. Nan a kere cu e supuesto amante lo mata nan familiar cu a descubri su casa cu e homber. Na warda a keda di papia cu tur y asina mira con leu e asunto aki lo bay. E amante cu e arma por keda sera depende con serio e situacion tabata. Segun e famia na e sitio, e homber durante vakantie a opta pa keda cu su mama y sobrina mientras cu su casa a keda cerca un ruman muher. Pa sea suerte of mala suerte e homber a bay lama cu famia y canando a topa cu e realidad amargo apenas un aña casa.
