Telefon pa Hubentud sigur tey a yuda e hobennan cu tin un ke otro preocupacion. Awo en particular cu scol ta bay cuminsa, e muchanan lo bay pasa den varios desaroyo, sea emocional of tambe fisico, den e sentido cu nan por bay cambia di klas of hasta scol y lo bay bin full un desaroyo nobo cu por laga nan den un tipo di confusion y esey ta trece e stress pa por fit in den e sociedad e momento ey.
Shurman Milliard, trahado social di Telefon pa Hubentud, a splica cu den nan yamadanan aña pasa, por mira cu den nan top 10, termento ta bin halto. Den top 5, Self Esteem, ta algo cu ta biniendo algo mas y mas padilanti. Tin motibo cu Social Media, cu Globalisacion, cu tur hende sa riba e momento aki kico ta sosodiendo tur caminda rond mundo. Nan kier fit in, nan kier ta parti di e generacion di e Kardashiansnan, of tur otro cu ta hopi popular. Nan ta puntra nan mes tin biaha cu nan mester ta mas delega, of scucha tal musica, etc. E preguntanan ey ta bin hopi dilanti.
Telefon pa Hubentud ta tristo cu den e extension den esaki ta bin automutilacion, of e pensamentonan di tuma nan mesun bida, tambe ta bin mas y mas dilanti.
Telefon pa Hubentud tey pa tur cosnan leuk, pero ta wak cu e cosnan mas malo, e cosnan cu nan tin mas preocupacion den dje, ta resalta. Motibo di esey ta cu e hobennan di Aruba sa cu na e momentonan aki cu Telefon pa Hubentud tey pa nan. Si bo tin un problema, bo por yama. No mescos cu antes, cu nan ta yama y haci prank y jokes. Esey a bira hopi menos. Nan sa e seriedad y preocupacion, cu si tin echt algo pa bisa, Telefon pa Hubentud tey. Pesey nan ta wak e preguntanan ey ta biniendo mas y mas p’adilanti.
Con pa atende cu problema
Prome cos cu ta wordo luga, ta puntra e hobennan kico hendenan rond di nan mes ta pensa di e problema en cuestion. Telefon pa Hubentud ta un fundacion cu ta traha anonimamente. Ora cu ta wordo yama, nan no mester bisa nan nomber. Nan ta combersa, Telefon pa Hubentud ta scucha e hobennan cu pa nan ta hopi importante pa cualkier problema. Si bo tin un preocupacion, papia prome di e situacion, cual ta e prome paso pa soluciona un problema. Despues Telefon pa Hubentud ta bay wak mes kico nan mes a haci caba den e problema ey. Nan no kier pa djis bisa nan, haci esaki, haci esey, pasobra asina ey bo no ta laga e muchanan bira mas conciente. Nan mester bira mas conciente pa ora cu otro problema bin dilanti, nan mes por haya e solucion. Esey por ta na un di e partnernan di Telefon pa Hubentud. Ta duna informacion di FADA, ta duna informacion tocante di fundacion Pa nos Comunidad. Ta duna tur e informacion ey, pero ta guia nan con pa soluciona cualkier problema. Prome, wak rond dibo, bo tin amistad cu bo por confia tocante esey. Tin adulto rond dibo pa bo haya un bon conseho. Ken den bo netwerk bo ta confia. Por ta no ta bo leraar di scol mes, pero un otro colega. Ta laga nan sa cu tin trahadonan social na scol. Tin trahadonan social na Centronan di bario. Hasta bo por bay hospital of diferente luga, cu tin hendenan cu por papia cun’e. Esey ta e poder di Telefon pa Hubentud, pa laga sa kico Aruba como pais tin pa ofrece nos hobennan, na e momento cu nan tin e necesidad ey.
