TEAM ARUBA MASCULINO ENFOCA PA TA DEN PREMIO

Manera ya por a tuma nota den diferente medionan di comunicacion, diahuebs awo lo cuminsa e torneo Panamericano den e deporte di Beach Tennis organisa pa ITF conhuntamente cu Beach Tennis Aruba cual ta e organisacion local encarga cu e deporte, cu ta keda crese cada dia. Na Aruba nos tin sigur un 650 hende practicando e deporte aki
Aruba como e anfitrion, pa di 2 aña consecutive, tin un ventaha riba tur e otro paisnan participante. Tur pais por participa cu 2 team den e 3 categoria nan, pero Aruba den e caso aki por tin 3 team. Awe nos kier a introduci nos seleccion masculino.
TEAM ARUBA 1: Aksel Samardzic (15) & Anderson GIel (114)
TEAM ARUBA 2: Jarryd Ruiz (190) & Jonathan Petrona
TEAM ARUBA 3: Jim Wijngaarde & Matthijs de Kool
Pa nos elabora un tiki riba nos seleccion masculino, bo tin den Team Aruba 1, Aksel Samardzic, cu algun luna atras tabata den e top 10 ranked nan di mundo, cual ta un posicion hopi dificil pa mantene, pero asina mes e ta keda den e top 20 nan di mundo. Anderson, un persona sigur no desconoci den e mundo di deporte. Anderson ultimamente a bin ta bataya fuerte riba cancha di Beach Tennis. Hopi ta balote pa si grandura, pero nos lo bisa cu sigur aki nos por usa e dicho “klein maar dapper”, dus ta keda nada di otro pa wak e resultado nan. Team 2 y 3 di Aruba, ta ekipo nan cu a bataya contra otro pa asina por a haña un spot den e seleccion. Ta di remarca cu tin 3 hungador, esta Jonathan Petrona, un hungador conoci den e deporte di volleyball, Jim Wijngaarde y Matthijs de Kool, cu no tin ranking mundial pero sigur ta merece di ta den e seleccion di Aruba. No cu mucho experiencia hungado contra teamnan internacional, pero si cu e gana grandi di bataya riba veld y no via ranking.
E Panamerican Championship ta cuminsa diahuebs awo, dia 9 november, na Tropicana Beach Tennis Club, cu a e aperture oficial. E prome weganan lo start dibierna mainta 9or. Nos ta invita tur hungador di Beach Tennis como tambe e pueblo deportista di Aruba pa pasa apoya nos ekipo local como tambe e bishitante nan durante e torneo aki