Diadomingo den oranan di merdia un mama a haya yamada di un yiu menor di 9 aña. E motibo di e yamada tabata pasobra e ta sera su so den cas. E tata a bay lage na lock den cas. Ora e yiu a yama e tata e no tabata coy telefon tampoco. E mama a yama Polis. E mama ta traha na un restaurant na Palm Beach.
El a splica Polis di Strand Politie kiko a pasa. E Polisnan a dicidi di bay cu e mama na e adres di e tata na Pos Abou unda e mucha tabata sera. Na yegada e cas tabata na lock y no por a saca e criatura via porta. A notifica Voogdijraad di e situacion. E Polisnan via bentana a logra saca e mucha di e cas. A yama e tata tambe cu finalmente a coy telefon y Polis a atende cune ora cu el a presenta na e cas. Esaki ta un record negativo pa e tata cu a bay laga su yiu di 9 aña sera den cas. Unda e tata a bay y laga su yiu sera na yabi den cas no ta conoci.
