Tango Argentine Grill ta host honeymooners Kaitlyn y Rick

Kaitlyn (30) y Rick (36) tin e miho rason posibel pa bishita Aruba: nan ta riba nan
honeymoon! Pabien! E nurse y bombero ta for di Maine, Merca.

Esaki ta nan prome bishita riba e isla y ban spera cu no ta e ultimo. Hopi aniversario di casamento ta na caminda. E recien casanan a cana banda di e hi-rise strip, dilanti di Barcelo Resort y a dicidi pa tira un bista den Arawak Garden, unda cu tin varios bon restaurant, musica en bibo y kiosconan yena cu hende. Kaitlyn y Rick a dicidi riba e popular Tango
Argentine Grill – nan a ordo sirloin steak. “Tabata lo mihor cu nos a haya te ainda," tabata nan veredicto. "E isla ta maraviyoso, e servicio ta amical y e cuminda ta
great.” Danki!