Ta hopi importante pa cada dos aña un muhe controla su pechonan

180
RBC Mortage
Aduana
CMB Biba 100

E parti di prevencion cu Fundacion BOB kier bin cun’e dilanti, ta hopi importante, pasobra prevencion, no solamente ta encera cada dos aña cu bo wordo invita, bo bin haci bo Mammogram, pasobra por wak hopi delanta si tin crecemento of si tin cosnan abnormal den e pecho. Concientisacion kiermen tambe, ta baha e risiconan. E risiconan ta keda hopi biaha na bo mes. Segun Enrita Werleman, kende ta un di e co fundadoranan di Stichting BOB y awo ta trahando como manager, a splica cu control na bo mesun pechonan, wak dilanti di spiel of mira si tin cambio. Hopi hende muhe mes ta haya cosnan abnormal na nan pecho y nan ta bay nan dokter di cas pa nan por sigui cu e checkeo. Ora cu bo ta wak cu tin cambio na bo pecho, na unda cu punta di pecho ta bay aden, tin bolita, tin partinan cu ta hincha, pecho ta bira cora, no tene miedo. Bay bo dokter di cas, lag’e saminabo pa wak si bo mester haci mas checkeo.

KFC Variety Pack
Vacatura Parts
Rockstar Energy Drink Campaign
Weekend Bonanza
BAV.. WHAT!? Offer – Figo

Hopi biahe e hende muhe tin miedo, miedo di e tratamento, miedo di e resultado y esey no ta yuda cu nada.

Mas importante ta pa bo check bo mes y haci control regular. Asina cu bo haya e invitacion, bay of yama fundacion BOB pa cualkier informacion na telefon 5881212 y ta habri tur dia, dialuna pa diabierna, for di 8’or di mainta pa 4’or y mey di atardi.

Citanan
Por bisa cu den dos aña cu ta bin ta haciendo e checkeo, e grupo cu a bin prome biaha, tambe ta bay wordo yama regularmente. Un sondeo asina kiermen cu cada dos aña tin cu bin. No ta cada 10 aña of ora bo kier, sino cada dos aña pa bo wak e crecemento y cambionan den e pecho. E acogida no por keha. Un hende ta bay dokter ora e sinti algo. E no ta bay haci un checkeo prome cu esey. Segun Werleman, ta basta satisfecho cu e acogida claro cu kier mas. Tin casi 25 mil hende muhe di e edad di 45 pa 75 aña cu ta wordo yama regular. Tin ainda cu no ta bin pa motibo cu tin miedo, miedo di dolor, miedo di resultado. No conoce e sistema di prevencion cu e fundacion ta haciendo. Pero ta kere fielmente tambe, cu ayudo di media, cu nan por haya poco poco, cu nan porcentahenan por subi. E parti aki tin casi 9 mil hende muhe cu a bin caba.

E facilidad cu nan ta haya den e di dos buelta, ora cu yama nan ta, cu tin nan telefon y nan email. Ora cu invita nan prome biaha, e informacion cu ta haya ta solamente nan adres. Pesey nan ta hay’e via post.

Esey tambe tin biaha no ta core bon. Pero cu e di dos buelta, ta yama nan tambe. Nan ta haya e invitacion pa nan cita y nan orario, pero tambe nan ta wordo yama. E ora esey ta hopi mas cerca di nan cu ta recorda nan cu nan tin cu bin cada dos aña, pa haci nan checkeo. Eynan tin un parti hopi importante cu tin un comunicacion mas estrecho cu e persona.

El a bin caba, el a conoce e facilidad y wak kico e ta. Y record’e bek cu cada dos aña e por bin.

Nan ta bay cuminsa cu e districto di Noord, pa haci e controlnan. Tin mas hende muhe di e edadnan ya menciona. Eynan a mira cu e campaña mester bay wordo haci mas fuerte atrobe, pasobra tabata tin basta hende na Noord cu no a bin. A confundi y pensa cu San Nicolas lo ta districto cu menos hende lo bin, pero net p’ariba di brug, e hendenan a bin. No tabata tin hopi yamada cu ta bisa cu no tin transporte, no por bin. E ta un bes cada dos aña, pa mey ora, pa bo por scapa bida y pa bo por haci bo checkeo. Pesey mes ta trahando riba un campaña mas intensivo pa e di dos tanda, pasobra no mester haya solamente hendenan cu a bin caba, pero esunnan cu no a bin tambe. Drenta e barionan mas agresivo y haci campaña den e barionan pa e hendenan , cu asina nan haya invitacion nan bin y si nan no a haya mes, pa nan yama. Si bo ta entre 45 y 75, yama na 5881212 y bo ta haya un cita.

Ekiponan
E ekiponan ta completo segun Werleman. Nan tin tur mashin di checkeo, cu pa campañanan manera esaki, mester fondo. Nan ta keda pone enfasis pa pone mas fondo pa por haci tur e cosnan aki mas accesibel. Programanan di television, den media y esey semper ta un fundacion cu mester fondo.

Gran parti di e fondonan ta wordo cubri pa AZV. AZV, como prome fundacion na Aruba den prevencion, pasobra sa cu AZV semper ta cubri malesa, pero ta mira e importancia di un fundacion unda cu prevencion ta scapa bida, pero tambe a lo largo lo baha gasto. Esey ta un parti di nan entrada, ta bin di AZV, pero no completo.

Comments

comments

Dragon Fly
Score cu Gillette
Test Drive Garage