Lotto pa Deporte a renoba clubhuis di SV Estrella

155
E Hefe DMAX
CMB – Mobile Banking Nobo
24 ora App
RBC Mortage

E team di futbol SV Estrella a ricibi for di Fundacion Lotto pa Deporte aña pasa un ayudo pa verf e clubhuis. SV Estrella a probecha di e yudansa aki y a verf e color di nan uniform, esta color blanco y oranje.

Gilbert Raven, presidente di SV Estrella a gradici Fundacion Lotto pa Deporte pa su sosten y ayudo. “E ta un sentimento hopi agradabel”, asina el a expresa. Na momento cu el a asumi e cargo di presidente di SV Estrella, e clubhuis tabata mester un renobacion y nan a cuminsa traha riba esakinan.

E team ta gradici Fundacion Lotto pa Deporte di a pone confiansa den nan, unda cu a rebiba e club di nobo.
E murayanan di e veld y clubhuis a ricibi un color nobo, pero tambe a percura p’e logo di Lotto tabata riba dje. Cu e cambio aki tur mucha ta yega veld motiva pa train, asina Gilbert Raven a expresa.

El a gradici e staff tecnico, directiva y fanaticonan. Tambe el a gradici e sponsornan manera Stellaris Casino cu a brinda confiansa den SV Estrella.

Fundacion Lotto pa Deporte a duna SV Estrella un Blueprint cu e logo di e team y 70 Aña di Existencia, di cual tur hende di Estrella a keda feliz cu esaki. E hungadonan a indica cu e cambionan aki ta duna nan mas gana pa bin train y ta spera cu nan por gana e campeonato nan e aña aki. SV Estrella tin varios categoria di futbol, di cua ta cuminsa desde Mini Baby, Baby, Junioren y Division di Honor.
Presidente di AVB, Richard Dijkhoff a hiba palabra durante e celebracion aki y a motiva e hungadonan pa nan sigui pa dilanti y tambe a felicita nan pa tin un veld cu a keda bunita geverf. Richard Dijkhoff a recorda cu tempo e tabata mas jong el a bay scol na Sta. Cruz y a hunga pa Estrella. E tabata hopi contento pa nan y tambe el a motiva e hungadonan pa sigui den e ramo di futbol pa asina aki algun aña nan lo por ta den su sapato como e proximo presidente di AVB. Tur e invitadonan a gosa di snacks y coy bebe y a disfruta un rato ameno cu otro.

Comments

24ora Gana Cel

comments

Amerijet
Dragon Fly
Juju Events