Awe 15 augustus ta cumpli 50 aña di existencia e organisacion deportivo Independiente Hooiberg . E team aki a ser lanta netamente cu e intencion pa duna hobennan di e bario di Hooiberg, Seru Biento y otro barionan di bicendario pa practica e deporte rey di Futbal.
E team aki a ser funda pa pa e gran fundador Mai Hernandez ( qe.p.d.) hunto cu e otro fundadornan Hobrey Hernandez, Jauncho Hernandez, Andres Hernandez , e rumannan Vrolijk Ismael y Vi. E origen di e colo di Deportivo Independiente tin di haber cu e seru di Hooiberg. E seru mes casi tur ora ta berde y e geel ta ora cu e kibrahachanan floria. Mai Hernandez (d.f.m) a presidi e team aki pa añanan largo. Mai a duna e team aki su bida den aña 70 y sigur tambe den añanan 80. Bou di e presedencia di Mai e team a conoce hasta su promocion pa divicion di A klasse y sin conta cu na 1976 e team tawata a punto di subi Divicion di Honor e tempo e Hoofdklasse. E wega aki hamas e hungadornan cu e milita e tempo no por lubida di e famoso penalty cu ser tira afo conta Aruba Jr. E hungador di antes cu sigur no por lubida ta e tremendo backcentral Chomay Boekhoudt, e tremendo keeper Johny Hart, e hungador armado di weganan Juancho Hernandez, Mito y Vi Vrolijk, Boei Hernandez, Fon Bikker y sigur e goaleador Dama Krozendijk.
E team a cumisa haya un otro dimicion y den aña 90 semper a sigi participa den divicion 2. Na final di aña 90 e incansabel Jose Marin a dicidi di haci e team acitivo aki pa cuminsa participa bek den nos futbal local ya cu Deportivo Independiente a conoce un paro pa un tempo. Hunto cu Frederick Krozendijk y Marlon Maduro y e dinamico Pierre Croes a cuminsa un procedura pa bay tur cu tin pa cuminsa un era nobo pa Deportivo Independiente Hooiberg. Na 2003 a acerca Ruben Krozendijk y aki e miembronan a vota pa nan president nobo.
Bou maneho di Ruben Hooiberg su team a cuminsa e procedura pa wak si por a saca e team for di Divicion 2 y tambe e procedura pa haya e tereno di bala. Esaki ta e dolo te cu e dia awe di Deportivo Independiente Hooiberg ya cu no tin un tereno pa di bala pa e hobennan practica e deporte rey. Aki tambe e team di Hooiberg a cuminsa haci actividad pa recuada fondo y tambe actividadnan social y asina tene e miembronan hunto. Festivalnan di canto, hersengymnastiek, Torneo dia di Betico y fiesta cu kerstdinner pa sera aña. Na 2008 e equipo a Sali sub Campeon di divicion 2.
E ultimo aña no por a partcipa mas na Campeonato divicion 2 ya cu motibo primordial no tin un tereno di bala pa haci esaki. Ultimo añanan semper a train riba otro tereno y mester paga pa esaki. pero lamentabelmente no tin fondo mas pa sigi haci esaki.
Tambe nos por menciona cu diferente hungadornan di Deportivo Independiente Hooiberg a forma parti tambe di team nan den Divicion di Honor y actualmente tin un paar di hungadornan di Deportivo Independiente Hooiberg cu ta hungando den Divicion di Honor cu otro equiponan.
Loke si ta activo sigur ainda ta e parti di e team di Hooiberg veterano. E team di Hooiberg Vets e ta curason cu di nos team y cu semper activo na Campeonato di Fedeveta tanto pa 35 + y 40 +. Esaki ta ser di Dirigi pa Randy Tromp y Elvis (Fenny) Tromp y bou nomber di e “ 5 Sabionan” cu ta haciendo un tremendo trabow pa asina nos team di veterano por sigui competi den campeonato di Fedeveta.
Otro luna Deportivo Independiente tin pensa di haci un brinda pa su miembronan pa conmemora e fecha aki. Den pasado na ocacion di lustro semper a sabi di honra esnan cu a dedica y comparti nan tempo cu Deportivo Independiente Hooiberg. Tambe e team di Hooiberg aki a yega di biaha pa intercambio deportivo pa Corsou y Bonaire. Tambe pa Miami, ST Domingo, Venezuela. Por ultimo Deportivo Independiente Hooiberg kier gradici tur esnan cu yudanan den e ultimo 50 aña y tambe tur esnan cu a yega di forma parti di e team aki. Un danki di curason.
