Celebracion di Dia di Himno y Bandera e aña aki un biaha mas tabata en grandi. Tur rond di Aruba a celebra e fecha importante aki, unda cu tur hende cu stima e isla aki, por a mustra nan patriotismo y amor pa nan isla.
“For di mucha chikito te e persona di mas edad, tur hende a sali tur afo, cu nan bandera y t-shirt”, Parlamentario pa MEP Sue Ann Ras a comenta. Den su prome aña como parlamentario, Ras a bishita varios actividad y a convivi cu tur esnan, e fecha importante aki. “Ta bisto cu e amor pa patria a resalta tur caminda, unda cu mi tabata. E ta yena mi cu orguyo, saliendo di e cuna di enseñansa, pa wak specialmente cuanto mucha a participa na e actividadnan aki”, Ras a sigui bisa. Como un Arubiano puro y Sabanetero orguyoso, Ras a felicita tur Arubiano cu nan dia. E compilacion di potret ta duna un impresion di e bishitanan di Ras na varios actividad riba e fecha importante aki.
