Studiantenan di Rietveld: Nos no ta artistanan den un edificio sino artistanan cu vision

203
Cumpra Lotto Online
Huur di Ex-Brenchies
RBC Mortage
CMB – Mobile Banking Nobo
E Hefe DMAX

Brigitte Boekhoudt ta un di e studiantenan cu ta preocupa pa e situacion na Rietveld Academie. Basicamente loke cu nan sa ta cu nan a tende cu e scol ta wordo cera definitivamente.

dia di tata garage cordia
DHL Santo Domingo

Naturalmente e studiantenan ta hopi preocupa pasobra esaki ta nan luga, nan cas, un luga cu nan ta bin hunto como artista pa crea tur clase di cos bunita, como tambe nan ta siña con nan ta duna e cosnan aki un nificacion. Pa e studiantenan, nan ta haya e guia cu nan tin mester pa sigui p’adilanti.

E academia aki ta hopi importante pa e studiantenan pasobra ta un luga unda cu nan ta bin pa crece. E studiantenan a bin cu e meta pa crece den un artista, no solo como individual, pero artista cu ta bin hunto pa crea y pa mehora mundo y pa haci un diferencia. Mayoria di nan ta bin pa crea un portfolio pa asina wordo acepta den scolnan na Hulanda. Pa e studiantenan ta hopi importante pa e keda eynan, pasobra e ta duna e guina cu nan tin mester. Pa por traha e portfolio cu nan tin mester pa Hulanda. Si nunca Brigitte a bin na e academia aki, nunca e lo por a bay Hulanda pa bira loke semper e kier a bira.

Si no ta pa e docentenan di e academia, nunca e por a mira su potencial, cual ta arte. E portfolio cu el a traha, a haci posibel pa Brigitte pa haya un scol na Hulanda. Pronto e ta bay studia arte eynan. No ta slamente p’e, pero pa e otronan tambe cu a haya e guia pa por studia na Hulanda. Esaki ta e motibo cu e ta hopi importnte. Academia di arte ta e unico scol na Aruba cu ta un scol di arte y lo ta un berguensa pa por cer’e, djis pasobra esaki no ta e unico opcion. Aruba ta limita den opcion kico pa studia y esaki ta amplia e opcionnan. Nunca Boekhoudt a imagina cu e por studia loke e kier a studia, si no ta pa e Academia di Arte. P’e y pa otro studiantenan, ta preocupa cu e scol lo wordo clausura.

 

Rasonnan pa clausura

E rason no ta definitivo y e studiantenan no sa e rason, ta opinion di Dominque, kende tambe ta un studiante di Rietveld. Loke ta sigur ta cu sea nan ta wodo reubica of e scol lo wordo clausura definitivamente.

Arte no ta un coleccion di obranan crea pa man. Pa un di e studiantenan arte ta nifica vision den crea invension, den crea obranan cu por yuda trece e sociedad bek riba pia. Pa haci un dferencia riba mundo. Pesey mes nan kier pidi gobierno pa pensa dos biaha prome cu perde loke nan tin. E studiantenan no ta solamente artistanan den un edificio, sino artistanan cu vision.

Comments

comments

Score cu Gillete
Dragon Fly