Studiante di vakantie na Aruba a perde su bida den trafico

Awe pa 3:30am a sosode un accidente grave na Shaba, na altura di e compleho di tiendanan, cu a cobra dos bida. Un motorcycle marca Suzuki modelo Hayabusa coriendo for di Oranjestad direccion Noord a topa diripiente cu un auto marca Nissan Sentra, cu a lora su dilanti pa bay e truck di cuminda situa bandi caminda. E impacto tabata asina fuerte cu e auto a saca su chauffeur y pasahero afor.

Ta apenas siman pasa cu e victima, Dyllon Lourens a yega for di Hulanda cu su pareha. E ta studiando den ramo di spuitmento di auto. Cuminsamento di Augustus nan lo mester regresa Hulanda pa sigui studia. Lamentablemente destino a dicidi otro pe awe marduga, ora el a accidenta riba su motorcycle. Obviamente e tabata biniendo cu velocidad halto, ora el a cabi sali di Hot Shotz y tabata rumbo pa Lekker Bar na Palm Beach.

E otro victima, Wendell de Leeuw, conoci pa su amigonan como Djaca Muis, tambe ta masha conoci. E tambe ta aficcionado na careda di auto y brommer, mientras cu den su tempo liber e gusta lama, boto y piscamento. Ambos victima ta di edad relativamente hoben.

Paz na nan restonan.

Aruba ta conoce su di 3 y di 4 morto den trafico

Aruba ta conoce su di 3 y di 4 morto den trafico

Posted by 24ora on Thursday, July 12, 2018