Stellaris Casino a sostene lansamento di “Entre Espinas y Rosas”

133
Send a Tip 24 Whatsapp
RBC Mortage
Hyundai i10
CMB Biba 100
Download nos App

Recientemente a tuma luga lansamento y bautismo di e buki "Entre Rosas y  Espinas" di e autor Maria Griego. E evento tabata den Lounge 101 di Aruba Marriott Resort & Stellaris Casino.

Kelloggs Back to school 1
BAV.. WHAT!? Offer – Ecosport Escape

Yazira Javois, kende ta “Director of Marketing and Slot  Performance” na Stellaris Casino tabata contento di anuncia nan sosten na e publicacion aki, den cuadro di nan compromiso pa duna bek na comunidad, pa promove arte y cultura. "Nos ta kere den talento. Señora Maria tin un talento excepcional. E ta pone un poema y sentimento den otro manera e so por”. Ta p’esey a reconoce su talento y cu hopi orguyo ta laga esaki sali for di Stellaris Casino, asina Yazira Javois a expresa. Esaki ta e prome lansamento di un buki di Maria Grieco y "nos ta dese’e hopi exito. Nos sa cu su talento lo hib'e hopi leu. Nos ta invita pueblo di Aruba pa cumpra e buki aki. Mi ta kere cu cada
hogar mester tin un buki asina den cada cas pasobra e ta trece bek e esencia y e sentimento cu hopi biaha ta bay perdi", asina e ehecutivo di e casino a splica. Tin cosnan cu nos ta laga bay perdi sin pensa cu nos tin un sentimento bunita cu nos por trece den otro persona y cu por haci cambionan grandi. "Esaki ta e motibo cu a haci cu Stellaris Casino ta para banda di Maria Grieco y ta lansa hunto cun'e e buki cu sigur ta bay ta hopi exitoso", Javois a duna di conoce. E autor Maria Grieco di su banda a expresa cu e idea di skirbi un buki a cuminsa crece poco poco. E ta skirbi desde cu e tabata jong. E tabata skirbi pa su mes pero poco poco el a cuminsa comparti cu su amistadnan. Despues a bin e era di internet, Facebook y asina el a bira mas conoci.

Su amigonan tabata motiv’e pa skirbi un buki cu su poemanan. El a dicidi di pone tur su poemanan hunto den un buki, ya cu hopi hende ta gusta lesa e bukinan como tal, di tin e buki den nan man. Di e manera aki a bay den e proceso di preparacion. "Simplemente mi a duna mi soño halanan y mi tabata kier a bula te cu mi a aterisa den mi buki Entre Espinas y Rosas", Grieco a indica. El a agrega cu esaki ta su pasion y e lo dedica completamente na dje. "Espinas y Rosas" ta un buki inspira den storianan real, di personanan cu ta pidi Maria pa skirbi riba nan experiencianan. "Poesia no ta solamente amor. Tambe ta falta amor. Poesia tambe ta lagrimanan, sufrimento y esey ta e parti bunita di poesia", el a conta. Na e momento aki ta coordinando benta di e buki cu algun libreria. "Entre Rosas y Espinas" ta disponibel den idioma Spaño. Pa pedidonan por yama na 567-4406. Tambe por sigui Maria GrieCco riba Facebook via su pagina “Sonrisas Lagrimas y Rosas”. Aruba Marriott Resort & Stellaris Casino a habri na aña 1995 y ta e casino mas grandi riba nos isla. E ta conta cu mas di 160 empleado, cu ta maneha 24 wega di mesa y mas di 400 slot machines. E weganan mas popular riba mesa ta Craps, Black Jack, Three Card Poker y Roulette, mientras cu e mashinnan mas uza ta esunnan di e sistema 3D y e “mystery Progressive Jackpots”. Stellaris Casino ta conta cu entretenimento bibo, diadomingo pa diaranson di 9:00pm pa 1:00am cu DJ Cross, diahuebs pa diasabra di 9:00pm pa 1:00am cu diferente banda. Stellaris Casino tin Bingo tur diahuebs, diasabra y diadomingo pa 1:00pm, cu 5 Progressivo inclui completamente gratis. E casino ta habri 24 ora pa dia pa weganan di mashin mientras cu weganan di mesa ta cuminsa pa 2:00pm te cu 4:00am. Na tur, e famia di Marriott Aruba ta consisti di mas o menos 1100 empleado den servicio directo y 400 empleado trahando via otro companianan den e compleho di hotelnan. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.

Comments

comments

Feel The New Rush Test Drive
Dragon Fly
Score cu Gillette