Friday, 24 October 2014
Ciclo di planificacion cortico efectivo pa empresanan mediano y chikito Print E-mail
Sunday, 03 March 2013 21:07

growth club

Mundialmente cada kwartal mas di 15.000 empresario ta partisipa na GrowthCLUB, un workshop di planificacion pa 90 dia di ActionCOACH. E prome GrowthCLUB na Aruba lo tuma lugar diabierna dia 15 di maart proksimo. Hopi anja di experencia a mustra cu ciclonan di planificacion cortico pa empresarionan mediano y chikito ta mas efectivo.

Apesar di esei, hopi poco empresario ta traha cu un plan di duracion corto. Motibonan cu empresarionan ta usa pa no planifica ta cu nan “no tin tempo”, of cu nan no tin e conocemento pa planifica na un manera efectivo. Empresarionan por realisa hopi progreso den nan empresa dor di planifica pa henter un kwartal durante di 1 dia. Dor di pensa kiko nan kier hasi cu e empresa den e proksimo anja y traduci esaki den un plan di accion pa e proksimo kwartal pa e empresa y su empleadonan, claridad ta keda crea. Caminda un vision ta inspira y motiva, un plan di accion concreto ta yuda realisa e metanan. Ta berdad cu traha un plan di accion ta tuma un poco tempo, pero despues esaki lo spaar bo hopi tempo tambe. Inscribi bo mes awor via davemartinus@actioncoach.com of jama 564-3577. Ta posibel pa inscribi ainda pero e cantidat di lugar ta limita. ActionCOACH ta e empresa di business coaching mas grandi na mundo cu mas di 1000 coach den 47 pais. For di 2009 e compania ta activo den Caribe tambe, cu representacion na Aruba, Curacao, Surinam, Jamaica, Barbados, Dominica y Martinique.

growth club


 

Connect with Us

Newsletter