Nos Miss Word Aruba 2017, Anouk Eman, ta organisa su Proyecto ‘Zumba with a Purpose’ diadomingo awor dia 27 di Augustus di 7or di mainta pa 9or di mainta na Alhambra Mall su parking lot.
Esaki ta den cuadro di Miss World Organization su programa ‘Beauty with a Purpose’, den cual cada candidata mester organisa un proyecto humanitario pa genera fondo. Anouk a scohe un proyecto pa genera fondo pa Fundacion Autismo Aruba y asina yuda e Fundacion pa logra nan metanan y alavez Anouk kier crea mas consientisacion pa muchanan cu Autismo. Nos Miss World Aruba mes a studia den e area aki y tin su Master’s Degree den ‘Early Intervention in Autism’. Cu e proyecto aki tambe, Anouk kier inspira nos pueblo en general pa move mas pa asina por disfruta di un bida mas saludabel. Tur participante mester registra na momento cu nan yega, pa asina por participa pa por gana premio y ricibi awa of Gatorade y fruta. Lo tin tres instructor di Zumba Niurca de Cuba, Andrea Alfonso y Rachel Eman cu lo zorg pa tur participante keda move y nos cantante Randall Luidens, mihor conoci como Zyon tambe lo tey pa presenta su ultimo hitnan.
Lo tin un opening show ‘un warm up’ cu nos Missnan di Aruba compaña pa algun hobencita. Anouk mes lo tey pa baila hunto cu e muchanan. Nos Miss World su Zumba outfit a wordo patrosina pa Adidas. Ademas lo tin hopi premio atractivo: Un weekend stay di Divi & Tamarijn Aruba All inclusive
Dos dinner pa cuater personan na un di e restaurantnan den Divi Resorts
Un tablet di Sam’s Electronics
Un gift certificate di Sport Caribe
Un gift certificate di BrasilSul y
Un make up basket di Romar Trading
E mainta aki mes lo saca e premionan y e participante mester tey presente pa reclama su premio. Miembronan di Fundacion Autismo Aruba lo tey presente pa duna informacion y tambe lo tin algun articulo na benta. Anouk ta gradici tur su sponsornan; Alex Nieuwmeyer di Divi Resorts, Marinus Wegereef y Monique Jansen di Sport Caribe, Elite Productions, Interprint, Sams Electronics, Brasilsul, Romar Trading, Niurca de Cuba, Andrea Aflonzo, Rachel Eman, Diony Lopez, Zyon y Peanuts Restaurant cu a contribui pa asina e por a realisa e proyecto di ‘Zumba with a Purpose’. Ticket pa ‘Zumba with a Purpose’ ta costa Awg 25 pa adulto y Awg 10 pa mucha te cu 12 aña y ta obtenibel na oficina di Fundacion Autismo Aruba/Brighter Future, na de la Salle straat, net dilanti di Sivi Divi durante 9’or di mainta pa 12’or di merdia y di 2’or pa 4or di atardi. Tambe por cumpra ticket na Peanuts Restaurant, Emco y cerca e instructornan.
Tambe bo por bestel bo ticket riba Facebook page
Zumbawap y e ticketnan lo wordo entrega na bo den 24 ora. Ta pidi tur participante pa bisti algo blauw pa e dia aki, ya cu blauw ta e color di Autismo. Anouk ta preparando intensivamente pa su particpacion na Miss World 2017 y cu hopi pasion ta organisa
su bunita proyecto ‘Zumba with a Purpose’; pa asina laga nos dushi isla di Aruba impacta durante di e certamen di Miss World. E evento di ‘Zumba with a Purpose’ tambe lo wordo filma pa pasa como parti di Anouk su video na Miss World, cual e aña aki ta tuma lugar dia 18 d November na China. Pa medio di esaki nos ta invita pueblo en general bin sostene nos Miss World 2017, Anouk Eman cu e bunita proyecto aki y yude asina impacta durante di e concurso Miss World 2017 y Miss World Aruba 2017, Anouk Eman ta invita henter pueblo di Aruba pa participa den ‘umba with a Purpose’.
