KWF ta trahando duro pa duna un man na tur e famianan cu ta bati na nan porta. Bo no ta conta riba e momento aki nunca segun Lilly Prince. Ora cu e momento yega, e ta bin di golpi. E ta dal bo un sla duro. Ora cu bo yega KWF e ora ey nan ta dunabo e sosten cu bo tin mester. E ta un ayudo financiero of un ayudo pa tenebo trankil y informa bo kico ta e pasonan cu bo mester tuma.
Hopi otro gasto
KWF tin hopi material den su deposito. Y hasta mester mantene algun den airco cendi constantemente. Segun Lily Prins, nan tabata tin vakantie y durante e vakantie aki a haci cierto cambio. E ora eynan tur cos a bay den e sala di conferencia. Pero naturalmente tur e protesisnan cu tin tur ta 24/7 den un luga cu airco. Tin cu mantene asina pasobra nan ta traha di silicon. Es decir tin cu proteh’e. Tin tur e brassiere nan tambe. Tur loke nan tin awor aki, ta gastonan cu tin. Tin cu ta sincero y bisa cu desde 11 pa 12 aña atras, AZV ta pagando KWF e protesisnan. Pero cual e ta paga, e ta paga e silicon cu ta esun cu ta pecho completo y e ta paga esun tambe cu ta lompectomie, ta caminda cu e pecho ta wordo opera parcialmente. E ora ey semper ta keda un diferencia. Na prome instante e señora nunca ta ripara cu tin un diferencia. Despues di hopi aña e ta bin ripara. E ora e ta bin KWF, e ora e ta haya un protesis di lompectomie.
Boluntarionan
Tur esnan cu ta traha na KWF a base boluntario. Nan no ta gana ningun cen preto. Tur loke cu drenta ta bay pa yuda. Tin e enfermeranan cu naturalmente cu nan ta sali riba caya, nan tin cu bay cerca e pashentnan y atende nan, eseynan tin cu corda cu nan gastonan di auto tambe tin cu percura pa duna nan sikiera un yudansa.
