E pronostico cu tin, loke ta wak ta cu den 2018 si lo bay tin dokternan di cas nobo pasobra mester menciona tambe esaki ta resultado di diferente factor. Uno ta cu den transcurso di tur e añanan desde cu AZV a habri te cu awo, semper a purba di wak ki forma pa ahusta mas miho e grandura di e practica di e dokternan di cas.
Ta yama esey e praktijkgrote, pero banda di esey, loke tambe a sosode, ta cu tabata tin diferente factor cu no por a premira. Un di nan tabata cu tabata tin algun dokter di cas tambe cu a bandona Aruba inesperadamente, cual a resulta den e situacion cu nos ta awo, cu berdad AZV no tin luga pa acomoda pashentnan cu kier cambia. Pero, biniendo bek riba kico ta premira. Den 2018 ta spera di tin tres dokter di cas cu ta terminando, finalisando e trayecto di huisarts, specialisacion pa bira dokter di cas via Vrije Universiteit Amsterdam, hunto cu AZV, tin e trayecto ey manera cu sa. Dentro di e opleiding eynan, tin 9 persona actualmente, di cual ya otro aña tres ta kedando cla cu nan specialisacion pa dokter di cas y esey kiermen cu AZV den 2018 si ta wak cu tin e posibilidad pa haci cambio di dokter di cas, pasobra ta bay habri practica di dokter di cas. Ta bay tin manera cu ta wak awor aki, tres cu lo bay habri den 2018.
Kiermen e posibilidad den 2018 pa habri ta hopi mas grandi.
Tres dokter di cas
Loke ta AZV su deseo ta tres practica nobo. Esey kiermen ta haya tres dokter di cas acerca cu ta duna e posibilidad cu nan por start pero tambe nan ta bay haya pashentnan nobo. Sa cu tin practicanan ta hopi grandi, unda cu pashentnan kier haci cambio.
Banda di esey ta asina tambe pa bon pa menciona cu mirando e situacion cu a confronta awor aki, AZV a habri mas luga dentro di e opleiding, dentro di e huisartsentraject, cual a resulta den 9 persona awor aki. Esey ta bay duna e chens cu den 2018 tres ta keda cla, despues den 2019 y asina ta sigui haya dokternan di cas nobo.
AZV lo keda monitorea tambe si ta necesario pa habri mas luga pa e personanan, e studiantenan cu ta interesa pa specialisa pa dokter di cas, pa por haci esaki. A haci’e awo caba. A start na comienso cu tres of cuater, pero a keda habri luga pasobra tin e interes y esey ta haci cu kier tambe mas dokter di cas y ki mas bunita si tin esakinan for di bo mesun opleiding, esta e mesun trayecto cu a habri como oportunidad hunto cu otronan.
Bisando esey, AZV ta kere e ora ey cu e personanan cu awo aki tabata interesa pa haci un cambio, ta sugeri nan pa evalua e ora pa na Maart si ainda nan kier haci e cambio di dokter di cas. Pero importante ta pa tur asegurado tuma nota cu actualmente no tin e posibilidad pa haci cambio di dokter di cas.
AZV ta conciente cu esaki por ta fastioso, kisas pa algun pashent cu toch ya caba a vocifera na AZV cu nan kier haci cambio di dokter di cas. Pero e situacion no ta diferente. Awor aki ta habri, pa inscripcionnan nobo of parehanan cu a caba di haya baby y nan kier inscribi nan baby cerca e dokter di cas cu nan ta inscribi.
