Friday, 19 December 2014
Vloggers internacional a ilustra Aruba den 5 video emocionante hunto cu Aruba Marriott Resort Print E-mail
Thursday, 18 April 2013 23:20
Comparti

front-IMG 5445

Diadomingo ultimo 5 vloggers a yega Aruba pa asina filma nan experiencia durante un dia y mey pa despues edit esaki y participa den un competencia di film cortico organisa pa Marriott. Un vlogger ta un persona cu ta filma su experiencianan diario of ora di biahe y ta publica esaki riba internet. E vloggersnan tabata liber pa filma locual cu nan kier pero nan mester a inclui maske ta un parti chiquito pa ilustra e propiedad di Marriott.
Diaranson atardi den e luhoso ballroom di Aruba Marriott Resort un publico consistiendo di prensa, ehecutivonan di hotel y otro invitadonan a mira tur 5 video. Na final e huradonan mester a saca un ganador segun e criterianan cu Marriott tabata exigi y e publico por a escohe nan video popular.

Joshua Johnson di Matador Network a gana como mihor video. E premio a wordo otorga pa e huradonan. Ryan van Duzer di Duzetv.com y ElephantJournal.com a gana e premio popular cu a wordo escohi door di e publico presente.

E atardi tabata uno sumamente ameno y a wordo conduci di Keirsin Tjon-Pian-Gi di Aruba Marriott Resort & Stellaris Casino y representante di Diamond PR.

E otro vloggersnan tabata Mickela Mallozzi di Travelbarefeet.com, Morgan Paar di Tripfilms.com y Nathan Fluellen di Mensfitness.com
Pa 24ora.com e videonan di Mickela y Ryan van Duzer tabata e preferi. Mickela a sa di mustra Aruba su parti di cultura musica y arte den un forma hopi ameno pa mira. Mickela ta un bailarin profesional y sa di haya un par di ora les di baile folklorico di Aruba y a sa di baila na e Bon Bini Festival diamars ultimo.
Pa loke ta Ryan, Ryan a dicidi di envez di usa un auto di huur of un chauffeur pa explora Aruba cu un bicilceta. Den e video di algun minuut bo por mira con durante henter un dia e la explora nos isla tanto na e costanan como den centro di ciudad y sin usa ningin tipo di mapa.

E videonan lo fungi como material di promocion pa tanto Aruba como Aruba Marriott Resort & Casino.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1

Comentarionan (1)Add Comment
Morgan Paar
April 19, 2013
74.66.8.147
Votes: +1
...

Thank you Aruba and Marriott for a wonderful experience. Can't wait to return!

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter