Situacion na Sint Maarten ta hopi serio

Segun un update di parti di vocero di defensa Hulandes presente na Sint Maarten, Rita Rhaman, tin barconan na caminda.

Pa loke ta e infrastructura a wordo hopi afecta. All in all, e situacion na Sint Maarten ta hopi serio. E waf ta hopi afecta, e steiger di kustwacht ta inuzabel practicamente, como tambe e aeropuerto, telecomunicacion, y tambe utilidad.
En corto, mester prepara pa lo pio. Aparentemente no tin suficiente shelter. Pa awor aki no tin informacion riba victimanan. Pa awe tardi, 4’or, lo bay tira un bista un biaha mas for di helicopter.